لقد اشتقت لهآ .. اشتقت لترآبهآ .. اشتقت لصيفهآ وشتآئهآ .. اشتقت ليآسمينهآ وورودهآ .. اشتقت لأيآمي التي قضيتهآ فيهآ .. اشتقت للهوآء الذي تنفسته منهآ .. اشتقت للأرضْ التي تسمّى #الاردن
من فترة التقيت بصديق طفولة وانا داخل مطار #الدوحة، كنا على نفس الخط بنستنا الدور عشان نختم جوازاتنا.
بعد السلام والتبويس الاردني الي هو مطاوشة! وبعد السؤال عن الاحوال.
زهقت الغربة! مع اني لسا ما كملت 5 سنين بس مش قادر، مخنوق ومافي اشي يبسطني!
زهقت الغربة! مع اني لسا ما كملت 5 سنين بس مش قادر، مخنوق ومافي اشي يبسطني!
بتتغرب سنة او سنتين وبس ترجع على بلدك بتنصدم! بتنصدم من اقرب الناس الك، صحابك وناس من عيلتك!
وجهة نظرهم بتتغير، طريقة تعاملهم بتتغير معك! وما بتعرف ليش!
احترام زايد! ممكن! بس ليش عشان ذقت الويل واتبهدلت!؟ ليش كل اشي مبني على الشكل، سيارتك، لبسك!
احترام زايد! ممكن! بس ليش عشان ذقت الويل واتبهدلت!؟ ليش كل اشي مبني على الشكل، سيارتك، لبسك!
بحكولك ليش متغير! شايف حالك!؟ ولا صاير امريكي!
المشكلة انهم ما بعرفو كيف انا عايش. طيب انا بدرس وعايش ب فلوريدا، بحكي عربي بس مع اهلي على التلفون، وعايش مع ناس نصهم بعرفوش الله ونصهم الثاني ما بدهم يعرفوا، وبعد كل هاظ بسألوك ليش متغير!! طيب مهو غصبن عن كل اشي بدي اتغير, لبسي كلامي، طريقة تفكيري طريقة تعاملي، حتى اكلي اتغير!
ليش مابدهم يستوعبو فكرة انو هاظ اشي طبيعي! البني ادام بكون عايش بحرب نفسية ما بين انو يحمي حالو، عاداتو وتقاليدو وانو يندمج بالمجتمع الي عايش فيه.
ليش مابدهم يستوعبو فكرة انو هاظ اشي طبيعي! البني ادام بكون عايش بحرب نفسية ما بين انو يحمي حالو، عاداتو وتقاليدو وانو يندمج بالمجتمع الي عايش فيه.
"كنا صرنا خاتمين الجوازات ورايحين نستنا الشناتي"...
بقلو هاي ضريبة الغربة يا إبراهيم! والي انت حسيتو او شفتو غيرك حسو وشافو، انا حسيت فيها لما رجعت ع الاردن بعد سنة ونص غربة، شفت كل اشي انو جديد مش لاني نسيت, بس تعودت على نمط حياة! مجتمع عايش فيه الهندي، الاجنبي، الخليجي.. اتعودت على اكل، طريقة تعامل حتى اللبس تغير!
واكيد في ناس زي ما انت حكيت ما رح يفهمو شو الغربة! ولا حتى التبعات الي بتكون نتيجة الغربة. حتى صحابك ببطلو يسألو عنك وبصيرو يعايروك بعتلك، واتساب، مسج على الفيسبوك!!
والطرف الثاني من المعادلة الي هو بحسدك ع غربتك او اي اشي ثاني، وما بعرف شو انت بتحس كمغترب، مع انهم اقلية لا تعد بس الله يسامحهم!!
بعدين خطر فبالي شريط مكون من كلمتين، لما الحجة رنت علي بتحكيلي يما أمي ماتت!! هون كل الكلام بوقف!! حتى بطل في اشي تحسوا!! فـــــــــــــــراغ من كل اشي، وقتها بكون الك نفس تدفن حالك،، ليش انا عايش!! بكون بنفسك انك ترجع عبلدك مش عشان تخفف عليهم، لاء عشان همه يخففوا عليك، لانو كل واحد منهم بلاقي مين يخفف عنو، بس انت منسي اجتماعيا!
بعد ما صفنت ثواني بالي صار! برجع ابراهيم يكمل: يزم انا قاعد يومين في الدوحة وبعدها نازل دبي عشان عندي شغل، خلينا نلتقي، صرلنا 15 سنة ما شفنا بعض... قلتلو اكيد بس بشرفك ما تخليهم مرة كل 15 سنة.
لا يعرف الشوق إلا من يكابده ولا الصبابة إلا من يعانيها!
هذه القصة مبنية من وحي الواقع!! والشخصيات المذكورة اعلاه مزعو سدر #منسف مع بعظ :))
هذه القصة مبنية من وحي الواقع!! والشخصيات المذكورة اعلاه مزعو سدر #منسف مع بعظ :))
إذا عندك رأي اسلخو هون تحت.
No comments:
Post a Comment